QARS AZƏRBAYCANI HİDDƏTLƏNDİRDİ

Türkiyənin Ermənistana qucaq açması Azərbaycan cəmiyyətində kəskin etiraz doğurdu Son günlər Türkiyənin Qars şəhərində türk-erməni dostluğuna həsr edilmiş abidənin ucaldılması barədə məlumatlar yayılıb. Qeyd edək ki, 350 min türk lirəsinə başa gələcək abidənin hündürlüyü 135 metr olacaq. Bu abidənin Ermənistandan da görünməsi üçün onu Qars qalasının qarşısında tikirlər. “İnsanlıq anıtı” adlanan bu heykəlin müəllifi türk heykəltəraşı Mehmet Aksoydur. Maraqlıdır, görəsən son vaxtlar Türkiyə dövlətinin Ermənistana xoş münasibət göstərməsinin, ilıq mesajlar ötürməsinin arxasında hansı niyyətlər durur? Ermənistan-Türkiyə sərhədlərini açmaq istəyi, erməni jurnalistinin Türkiyədə təntənəli dəfn mərasimi və digər faktlar nəyə hesablanıb? «Bir millət, iki dövlət» tezisi doğrudanmı boş bəyanat imiş? Bu suallarımızı Azərbaycan cəmiyyətinin ən çeşidli təbəqələrini təmsil edən nümayəndələrinə ünvanladıq.

Tarih: 13:06, 2/2/2007 Kategori: Gundem

Yorum yaz