Mayın 1-də Moskvada Azərbaycandan və Ermənistandan olan tələbələr arasında kütləvi dava olub. İnsident Rusiyanın Xalqlar Dostluğu Universitetində baş verib.

«Azadlıq» radiosu xəbər verir ki, mayın 1-də Ümumdünya Tələbə Günü qeyd olunur. Bununla əlaqədar bütün ölkələrdən olan tələbələr universitetdə öz sərgilərini düzənləyib. Ermənistanla Azərbaycanın sərgiləri yan-yana qurulub və davaya səbəb ermənilərin Dağlıq Qarabağ separatçılarının «bayrağını» qaldırması olub. Bu, azərbaycanlı tələbələrin etirazına səbəb olub və münaqişə odlu silah tətbiq edilməklə davaya keçib. Nəticədə bir azərbaycanlı tələbə yaralanıb və xəstəxanaya aparılıb.

Türkiyənin məşhur «Beko» şirkətinin malları Şuşada satılır. Bunu Türkiyə mallarının Azərbaycanın işğal olunmuş ərazilərində satıldığını öz gözləri ilə görən, bu yaxınlarda Şuşadan qayıdan və hazırladığı reportajları «Zaman» qəzetində çap etdirən qəzetin fotoqraf-redaktoru Səlahəddin Sevinin çəkdiyi fotoşəkil tam təsdiqləyir.

S.Sevinin reportajları ilə tanışlıqdan sonra «Media forum» saytının əməkdaşları Türkiyə mallarının, konkret fotosübutda görünən «Beko» mallarının işğal olunmuş torpaqlarımza nə cür gedib çıxdığını araşdırmaq, şirkətin bu məsləyə münasibətini öyrənmək üçün ən əvvəl «Beko»nun Azərbaycan nümayəndəliyi ilə əlaqə saxlayıb.

Bu günlərdə Azərbaycan tibb elmində böyük nailiyyət qazanılıb. Azərbaycanlı gənc alim Vuqar Yaqublu xərçəng hüceyrələrinin ölümünü təyin edən biosensor icad edib. Vüqar Yaqublu fevralın 17-də Almaniyanın Heidelberg Universitetinin Elmi Şurasının qərarı ilə tibb doktoru elmi dərəcəsinə layiq görülüb.

Azərbaycanlı həkim Vüqar Yaqublu və alman həkimi Dr. Keese Michael tərəfindən xərçəng hüceyrələrinin proqramlaşdırılmış ölümünün (Apoptozun) canlı orqanizmlərdə təyin edilməsini mümkün edən biosensor yaradılmış ve uğurla sınaqdan keçirilib.
Hazırlanmış biosensor imkan verir ki, yeni dərman maddələrinin effektivliyi sınaqdan keçirilsin, eyni zamanda xərçəng hüceyrələrində dərmanlara qarşı yaranan reziztentliyin mexanizmi öyrənilsin. Gələcəkdə bu sensor xərçəng əleyhinə müalicə alan insanlar üçün individual mualicə taktikasının işlənib hazırlanmasında da tətbiq edilə biləcək.
Bu kəşfə görə Vüqar Yaqublu fevralın 17-də Almaniyanın Heidelberg Universitetinin Elmi Şurasının qərarı ilə tibb doktoru elmi dərəcəsinə layiq görülmüş və diplomla təltif edilib.
Qeyd etmək lazımdır ki, Heidelberg Universitet Klinikası dünyanın ən nüfuzlu tibb ocaqlarından biridir.

xxeber

“Ermənistan heç bir ilkin şərt irəli sürmədən Türkiyə ilə diplomatik münasibətlər qurmağa hazırdır”-bunu Fransanın “Le Fiqaro” qəzetinə müsahibəsində Ermənistan prezidenti Robert Koçaryan bəyan edib. Koçaryan Dağlıq Qarabağ probleminə də toxunub: "Qarabağ heç bir vaxt müstəqil Azərbaycanın bir parçası olmayıb”.

Bununla belə, Koçaryan 1915-ci ildə Osmanlıda ermənilərin soyqırımı məsələsinin öyrənilməsi üçün tarixçilərdən ibarət müştərək komissiyasının yaradılması təklifini rədd edib. Bunun müqabilində Ermənistan prezidenti Ankaranı bu məsələlərin müzakirəsi üçün hökumətlərarası komissiya yaratmağa çağırıb: “İki tərəfli münasibətlərin normallaşması iki ölkə hökumətlərinin vəzifəsidir, tarixçilərin yox. Ona görə də biz heç bir ilkin şərt olmadan diplomatik münasibətlər qurmağa, hökumətlərarası komissiya yaratmağa və son dərəcə də prinsipial məsələ də daxil olmaqla bütün məsələləri müzakirə etməyə hazırıq”.

"Trend"dən sonra APA da bünyəsində yeni agentliklər qurdu. Trend informasiya agentliyinin yeni layihələri "TREND Photo" və "Trend Life" əyləncəli informasiya agentliklərindən sonra Azəri-Press Agentliyi(APA) də yeni layihələrini açıqlayıb. APA həmçinin kredit kartı ilə xəbər servisləyəcək.

APA-nın üç yeni agentliyi “APA-Economics”, “APA-Sport” və “APA-Photo” adlanacaq. “APA-Economics” və “APA-Sport” agentlikləri Azərbaycan, rus və ingilis dillərində “on-line” sistemi ilə işləyir.

«Ötən il ərzində vətəndaşlardan daxil olmuş çoxsaylı müraciətlərdə məhz müxtəlif məsələlər barədə təklif və arzular bildirilib. Bunların əksəriyyətində vətəndaşlar Azərbaycan Respublikasının Prezidenti cənab İlham Əliyevin fəaliyyətinə yüksək qiymət verərək onu daim dövlət başçısı vəzifəsində görmək istədiklərini bildirir, prezidentlik müddətinin 5 ildən ən azı 7 ilədək uzadılmasını təklif edirlər». Bu cümlələr Prezidentin İcra Aparatının sənədlərlə və vətəndaşların müraciətləri ilə iş şöbəsinin rəhbəri Süleyman İsmayılovun bu gün rəsmi dövlət qəzetində - «Azərbaycan» qəzetində dərc edilən «Tariximizin yeni mərhələsi və vətəndaşların müraciətlərinə yeni münasibət» adlı məqaləsindəndir.

«Biz bu günlərdə başa çatmış Macarıstan səfərimizdə bu ölkənin Vəkillər Kollegiyası ilə əməkdaşlıq məsələlərini müzakirə etdik, həm də Budapeştdə həbsdə yatan Ramil Səfərova baş çəkdik». Azərbaycan Vəkillər Kollegiyasının sədri Azər Tağıyev bu sözləri bu gün Beynəlxalq Mətbuat Mərkəzində keçirdiyi mətbuat konfransında deyib.

Onun sözlərinə görə, Macarıstanın Vəkillər Kollegiyasının rəhbərliyi ilə iki ölkənin eyni qurumları arasında əməkdaşlıq imkanları, təcrübə mübadiləsi və s. məsələlər müzakirə edilib və bu görüş hər iki tərəf üçün faydalı olacaq.

Fevralın 1-dən 7 gündəlik qəzet satış qiymətini 10 qəpik artırıb. Qiyməti qalxan qəzetlər bunlardır: "Yeni Müsavat", "Azadlıq", "Gündəlik Azərbaycan", "Bizim yol", "24 saat", "Ekspress" və "Şərq".

Həmin qəzetlər artıq 30 qəpiyə satılır. Bu qəzetlərin əvvəlki qiyməti isə 20 qəpik idi.
İndiyədək "Exo", "Ayna" və "Zerkalo" və "Realnıy Azerbaydjan" qəzetləri satış qiymətini artırmışdı. Ən bahalı gündəlik qəzet isə "Bakı-xəbər"-dir - 40 qəpik.

xxeber