Mayın 1-də Moskvada Azərbaycandan və Ermənistandan olan tələbələr arasında kütləvi dava olub. İnsident Rusiyanın Xalqlar Dostluğu Universitetində baş verib.

«Azadlıq» radiosu xəbər verir ki, mayın 1-də Ümumdünya Tələbə Günü qeyd olunur. Bununla əlaqədar bütün ölkələrdən olan tələbələr universitetdə öz sərgilərini düzənləyib. Ermənistanla Azərbaycanın sərgiləri yan-yana qurulub və davaya səbəb ermənilərin Dağlıq Qarabağ separatçılarının «bayrağını» qaldırması olub. Bu, azərbaycanlı tələbələrin etirazına səbəb olub və münaqişə odlu silah tətbiq edilməklə davaya keçib. Nəticədə bir azərbaycanlı tələbə yaralanıb və xəstəxanaya aparılıb.

Türkiyənin məşhur «Beko» şirkətinin malları Şuşada satılır. Bunu Türkiyə mallarının Azərbaycanın işğal olunmuş ərazilərində satıldığını öz gözləri ilə görən, bu yaxınlarda Şuşadan qayıdan və hazırladığı reportajları «Zaman» qəzetində çap etdirən qəzetin fotoqraf-redaktoru Səlahəddin Sevinin çəkdiyi fotoşəkil tam təsdiqləyir.

S.Sevinin reportajları ilə tanışlıqdan sonra «Media forum» saytının əməkdaşları Türkiyə mallarının, konkret fotosübutda görünən «Beko» mallarının işğal olunmuş torpaqlarımza nə cür gedib çıxdığını araşdırmaq, şirkətin bu məsləyə münasibətini öyrənmək üçün ən əvvəl «Beko»nun Azərbaycan nümayəndəliyi ilə əlaqə saxlayıb.

Türkiyənin iqtidar partiyası Ədalət və İnkişaf partiyası AKP-nin ölkə prezidentliyinə namizədinin hazırki Xarici İşlər Naziri Abdullah Güldür. Bu haqda qərar həmin partiyanın mərkəzi şurasının toplantısında partıya sədri və Baş nazir Rəcəb Tayyib Ərdoğan tərəfindən açıqlanıb, "Uca qərar parlamentin olacaq. Parlamentin qərarı isə millətimizin qərarı olacaq”.

"Çixış edən baş nazir Rəcəb Tayyip Ərdoğan deyib ki, "Namizədi müəyyən etmə prosesini tamamladıq. Bu gün artıq son mərhələyə gəlmişik. İnanıram ki, namizədimiz parlamentdə dəstək görəcək, ölkədə demokratik inkişafa xidmət edəcək, millətimizi bütün dəyərləri ilə qucaqlayac" deyib.

 Azərbaycan öz nümayəndə heyətini Vaşinqtona göndərməkdən imtina etdi

      ABŞ-Azərbaycan arasında münasibətlərində son günlər bir gərginlik yaşanmaqdadır. Buna səbəb isə Dövlət Departamentinin fəaliyyəti göstərilir. Xatırladaq ki, ABŞ Dövlət Departamentinin insan hüquqlarının vəziyyətinə dair 2006-cı il üzrə məruzəsinin ilkin variantında Ermənistanın Dağlıq Qarabağı və Azərbaycanın yeddi rayonunu işğal etdiyi bildirilsə də, sonradan erməni lobbisinin müraciəti əsasında sənədə dəyişiklik edilib, həmin fikir «erməni hərbi qüvvələri Dağlıq Qarabağa bitişik Azərbaycan ərazisinin böyük hissəsini işğalda saxlayır» kimi verilib.

      Hesabata  erməni lobbisinin  səyi nəticəsində belə bir dəyişikliyin edilməsini rəsmi Bakı birmənalı qarşılamayıb. Azərbaycan XİN məsələ ilə bağlı bəyanat verərək hesabatdakı dəyişikliklərin müqabilində nümayəndə heyətinin səfərinin təxirə salındığını bəyan edib.

Hüseyn Abdullayev

Milli Məclisin martın 19-da keçirilən növbədənkənar iclasında deputat Hüseyn Abdullayevin toxunulması ləğv edilib. Milli Məclisdə keçirilən səs vermədə vəkillərin əksəriyyəti Hüseyn Abdullayevin əleyhinə səs veriblər.

Səs vermənin keçirildiyi iclasda 102 millət vəkili iştirak edib. İclası açan spiker Oqtay Əsədov bildirib ki, martın 17-də Baş prokuror Zakir Qaralov deputat Hüseyn Abdullayevin deputat toxunulmazılığının ləğv olunması ilə bağlı Milli Məclisə təqdimat verib. Daha sonra iclasda çıxış edən baş prokurorun müavini Rüstəm Usubov bildirib ki, Hüseyn Abdullayev deputat Fəzail Ağalamını təhqir və ona qarşı zor tətbiq etməkdə ittiham olunacaq.

Bakı Şəhər İcra Hakimiyyəti Müsavat Partiyasına martın 18-də yürüş-mitinq keçirməyə icazə verib.

Partiyanın mətbuat xidmətindən «Media forum»a bildiriblər ki, aksiya saat 15.00-dan 17.00-dək keçiriləcək. Metronun «Həzi Aslanov» stansiyasından başlayaraq Məhəmməd Hadi küçəsindən keçməklə Ukyrana dairəsinə qədər yürüş olacaq. Ukrayna dairəsində isə mitinq keçiriləcək. Aksiyada enerji daşıyıcılarının qiymətlərinin və kommunal xərclərin artırılmasına etiraz bildiriləcək.

Bu gün Müsavat başqanı İsa Qəmbər və başqan müavini Mehman Cavadoğlu AzTV-nin və İctimai Televiziyanın rəhbərliyinə müraciət ediblər. Müraciətdə martın 18-də keçiriləcək yürüş-mitinqin məqsədləri barədə əhaliyə ətraflı məlumat verilməsi üçün Müsavat Partiyası funksionerlərindən birinə efir vaxtı ayırmaq xahiş olunur.

Mediaforum

YAP icra katibinin müavini Səyavuş Novruzov martın 16-da jurnalistlərə bildirib ki, partiyanın sədr müavini Sirus Təbrizlinin məsələsi partiyanın İdarə Heyətində müzakirə olunacaq və onun haqqında ölçü götürüləcək. Novruzov qeyd edib ki, Təbrizlinin YAP icra katibi Əli Əhmədov və prezidentin icra aparatının rəhbəri Ramiz Mehdiyev haqqında səsləndirdiyi fikirlər böhtan xarakteri daşıyır: «Əli Əhmədov YAP-ın qızıl fondu sayılan «91»lərdən biridir. 1992-ci ildən partiyanın üzvüdür. Hazırda icra katibi kimi vəzifəsini davam etdirir». Novruzov onu da bildirib ki, hakim partiyanın daxilində Ə.Əhmədovla bağlı heç bir narazılıq yoxdur. Ramiz Mehdiyevə gəldikdə isə, S.Novruzov deyib ki, o, prezidentin icra aparatının rəhbəri kimi, üzərinə düşən vəzifəni layiqincə yeriniə yetirir və prezident ona etimad göstərir

Trend